ԲՏԱ նախարար Մխիթար Հայրապետյանը ևս ինքնաբացարկի դիմում է ներկայացրել ԿԸՀ. նա չի վերցնի պատգամավորական մանդատը:
Այս մասին տեղեկանում ենք ԿԸՀ-ի հրապարակած ցանկից, թե ովքեր են ինքնաբացարկի դիմումներ ներկայացրել:
Հայրապետյանը նախարարի պաշտոնում էլ չի մնա. արձակուրդ գնալուց առաջ վարչապետ Նիկոլ Փաշինյանը լրագրողների հետ ճեպազրույցի ժամանակ հայտարարել էր, որ Մխիթար Հայրապետյանը չի ցանկացել շարունակել գործունեությունը Կառավարության կազմում:
«Մխիթար Հայրապետյանը քննարկումների արդյունքում ինքը չի ցանկացել շարունակել գործունեությունը Կառավարության կազմում»,- ասել էր վարչապետը:
Մխիթար Հայրապետյանը ՀՀ բարձր տեխնոլոգիական արդյունաբերության նախարար է նշանակվել 2023 թվականին:
