Գիշերը ռուսական ուժերը հարվածել են Ուկրաինայի զինված ուժերի կողմից օգտագործվող ուկրաինական նավահանգիստներին։
Այս մասին հայտնել է ՌԴ ՊՆ-ն։
Հարվածի են ենթարկվել վառելիքի, էներգետիկայի և տրանսպորտային ենթակառուցվածքների օբյեկտները, ինչպես նաև Ուկրաինայի ԶՈւ բեռնաթափման և պահեստավորման տարածքները, հեռահար անօդաչու թռչող սարքերի հավաքման և պահեստավորման օբյեկտները։
Պաշտպանության նախարարությունը նաև հայտնել է, որ վերջին 24 ժամվա ընթացքում հակաօդային պաշտպանության համակարգերը Ռուսաստանի շրջանների վրա խոցել են յոթ ուկրաինական FP-5 Flamingo թևավոր հրթիռ և 665 հեռահար կամիկաձե անօդաչու թռչող սարք։
Ռուսական ԱԹՍ-ն հարվածել է նաև Սումիի «Էպիկենտրոն» առևտրի կենտրոնին, ինչի հետևանքով հրդեհ է բռնկվել։
Նախնական տվյալներով՝ վնասվել է նաև բազմաբնակարան բնակելի շենք: Մոտակայքում գտնվող դպրոցում պայթյունի ալիքից կոտրվել են պատուհանները: Տուժել է վեց մարդ, նրանց թվում՝ չորս երեխա և երկու մեծահասակ։
