Ազգային ժողովի «Քաղաքացիական պայմանագիր» խմբակցության պատգամավոր Թագուհի Ղազարյանը բացահայտել է, թե որն է օլիգարխ Սամվել Կարապետյանի ասած «գաղտնի պլանը». «Գնացին, գնացին, նորից գլխով պատին խփեցին, ոմանք մինչև քոքը կամ ավելի շատ մաշեցին: Մանդատները խելոք կվերցնեն և կգան ԱԺ»:
Ըստ նրա՝ Կարապետյանները ավելի վատ ընդդիմություն են լինելու, քան «Հայաստան» դաշինքը: Ղազարյանը նկատում է՝ Կարապետյանի թիմում հավաքված մարդկանց բացի փողից՝ ոչինչ չի միավորում:
Իշխող ուժի պատգամավորը Սահմանադրության փոփոխությունը կարևոր է համարում և հույս հայտնում, որ հանրաքվե անցկացնելու տարբերակ կգտնվի:
Ինչ վերաբերում է ՌԴ-ին և Հայաստանի դեմ կիրառվող տնտեսական սահմանափակումներին, զրուցակիցը ընդգծում է. «Հավանաբար հաջորդիվ ՌԴ-ն սպառնալու է, որ ռազմաբազան ՀՀ-ից կհանի»:
Թագուհի Ղազարյանը շեշտում է՝ ՀՀ-ի նպատակը ՌԴ-ի հետ թշնամանալը և հարաբերությունները խզելը չէ, այլ դիվերսիֆիկացված հարաբերություններ ստեղծելը բոլոր երկրների հետ:
Առավել մանրամասն՝ «Հայկական ժամանակ»-ի հետ հարցազրույցում:
