Իշխան Սաղաթելյանը լրագրողների հետ զրույցում ասել է, որ իրավապահները իր բնակարանում խուզարկություն են կատարել ապօրինի գույքի շրջանակներում: Ըստ նրա՝ իր բնակարանի որոշ հատվածներ ապօրինի են ճանաչվել:
Նա նաև ասել է, որ իրեն և իր հարազատներին պատկանող գույքերը կալանքի տակ են վերցված:
Սաղաթելյանի խոսքով՝ ԴԱՀԿ-ի պահանջները չկատարելու հիմքով իրավապահները առգրավել են զարդերը, կանխիկ գումար:
«Կա հարուցված վարույթ, այս պահին կարգավիճակ չունեմ, հարցաքննությունից հետո կպարզվի՝ կունենա՞մ, թե՞ ոչ»,- ասել է կարկառուն դաշնակցականը՝ միաժամանակ հավելելով, որ պատրաստ է կալանավորման:
Ավելի վաղ հայտնել էինք, որ իրավապահները գործողություններ էին կատարել Իշխան Սաղաթելյանի տանը: ՀՀ քննչական կոմիտեից «Հայկական ժամանակ»-ի հարցմանն ի պատասխան՝ տեղեկացրել էին, որ քրեական վարույթի շրջանակում Իշխան Սաղաթելյանի տանը կատարվում են քննչական և վարութային գործողություններ:
