Հակակոռուպցիոն կոմիտեն ընտրական հանցագործություն կատարելու համար հանրային քրեական հետապնդում է հարուցել «Ուժեղ Հայաստան» կուսակցության ընտրական ցուցակի 10-րդ համարի թեկնածու Հայկ Սուքիասյանի նկատմամբ, որը դիմել է փախուստի և թաքնվում է վարույթն իրականացնողից։
Նրա նկատմամբ հայտարարվել է հետախուզում, իսկ որպես խափանման միջոց է ընտրվել կալանքը։
Կոմիտեից «Հայկական ժամանակ»-ի հետ զրույցում հաստատեցին տեղեկությունը՝ այլ մանրամասներ չհայտնելով։
