Ավստրալիայի արևմուտքում՝ Պերտ քաղաքի մոտ գտնվող Ռոտնեստ կղզու առափնյա շրջանում մայիսի 16-ի առավոտյան տղամարդ է մահացել շնաձկան հարձակման հետևանքով։
Դեպքը տեղի է ունեցել տարածաշրջանի ամենահայտնի զբոսաշրջային վայրերից մեկի՝ Հորսշու խութի մոտ։
«Արտակարգ իրավիճակների ծառայությունները հաղորդագրություն են ստացել Ռոտնեստ կղզու ափերի մոտ շնաձկան հնարավոր հարձակման մասին։ Ենթադրվում է, որ 38-ամյա տղամարդուն շնաձուկ է կծել։ Նրան նավակով տեղափոխել են ափ։ Ցավոք, տուժածին չի հաջողվել փրկել»,- նշված է ոստիկանության հաղորդագրությունում։
Հարձակման պահին ականատեսները ափից մոտ 80 մետր հեռավորության վրա նկատել են շուրջ հինգ մետր երկարությամբ սպիտակ շնաձկան։
