Մարզային բժշկական կենտրոններում շարունակական վերազինումն առողջապահության նախարարության առաջնահերթություններից է:
Այս մասին հայտնում է ՀՀ առողջապահության նախարարությունը՝ տեղեկացնելով, որ Էջմիածնի բժշկական կենտրոնում առաջին անգամ լապարասկոպիկ եղանակով իրականացվել է վիրահատություն` ստամոքսի խոցի թափածակման դեպքում:
«29-ամյա պացիենտը բժշկական կենտրոն է տեղափոխվել ծայրահեղ ծանր վիճակում, կյանքին սպառնացող վտանգով:
Անհետաձգելի վիրահատությունը լապարասկոպիկ եղանակով իրականացնելը Էջմիածնի բժշկական կենտրոնում հնարավոր եղավ բուժկենտրոնի պրոֆեսիոնալ կադրերով ու համապատասխան սարքավորումներով հագեցվածության շնորհիվ», ասվում է հաղորդագրության մեջ:
