Եթե ձեր երեխան ունի լոգոպեդի, հատուկ մանկավարժի, հոգեբանի կամ այլ մասնագետի ծառայությունից օգտվելու անհրաժեշտություն, ապա այդ ծառայությունները կարող եք ստանալ անվճար, քանի որ պետությունը պատվիրակման շրջանակում ֆինանսավորում է տարբեր հասարակական կազմակերպություններին, որպեսզի երեխային այդ ծառայությունները տրամադրվեն անվճար։
Iravaban.net-ը այս մասին տեղեկանում է ԱՍՀ նախարարությունից։
Նշյալ ծառայությունները տրամադրվում են ինչպես Երևան քաղաքում, այնպես էլ Հայաստանի Հանրապետության տարբեր մարզերում։
Ծառայություններից կարող են օգտվել 2-18 տարեկան երեխաները, կազմակերպությունների ցանկին կարող եք ծանոթանալ նախարարության պաշտոնական կայքէջում՝ mlsa.am հասցեում։ Ծառայություններից օգտվելու համար կարող եք դիմել տվյալ հասարակական կազմակերպությանը կամ միասնական սոցիալական ծառայության ցանկացած տարածքային կենտրոն։
