Եվրոպական միության ընդլայնման հարցերով հանձնակատար Մարթա Կոսը վարչապետ Նիկոլ Փաշինյանի հետ Երևանում տեղի ունեցած հանդիպումից հետո սոցցանցի իր էջում գրառում է արել:
«Եվրամիությունը և Հայաստանը երբեք այնքան մոտ չեն եղել, որքան հիմա:
Երևանում հանդիպել եմ վարչապետ Նիկոլ Փաշինյանի հետ՝ քննարկելու մեր գործընկերության առաջնահերթությունները: «Դիմակայունություն և տնտեսական աճ» ծրագրի շրջանակում հայտարարել եմ 202 միլիոն եվրոյի տրամադրման մասին և ազդարարել նոր Բարձր մակարդակի քաղաքական երկխոսության մեկնարկը փոխվարչապետ Մհեր Գրիգորյանի հետ»,- գրել է հանձնակատարը:
Ավելի վաղ հայտնել էինք, որ վարչապետ Նիկոլ Փաշինյանն ընդունել է Եվրոպական միության ընդլայնման հարցերով հանձնակատար Մարթա Կոսի գլխավորած պատվիրակությանը։
