«Շնորհակալություն, նախագահ Դոնալդ Թրամփ, Ձեր TruthSocial էջում արտահայտած ջերմ խոսքերի համար։ Ես խորապես գնահատում եմ Ձեր կարևոր դերը Ադրբեջանի և Հայաստանի միջև խաղաղ գործընթացի առաջմղման և Վաշինգտոնի պատմական գագաթնաժողովի կազմակերպման գործում»:
Այս մասին «X»-ի իր միկրոբլոգում գրել է Ադրբեջանի նախագահ Իլհամ Ալիևը` արձագանքելով ԱՄՆ նախագահի գրառմանը:
Հիշեցնենք՝ Դոնալդ Թրամփը գրել էր, որ իր համար մեծ պատիվ է օգնել կարգավորել Հայաստանի և Ադրբեջանի միջև հակամարտությունը և ընկերանալ երկու մեծ առաջնորդների և ժողովուրդների հետ:
Թրամփը հավելել է, որ երկրների միջև հավերժական բարեկամություն կլինի:
ՀՀ վարչապետ Նիկոլ Փաշինյանը ևս արձագանքել է ԱՄՆ նախագահ Դոնալդ Թրամփի գրառմանը:
