Գյումրու ավագանու «Քաղաքացիական պայմանագիր» խմբակցությունը ավագանու արտահերթ նիստ է նախաձեռնելու:
Այս մասին սոցցանցի իր էջում գրել է խմբակցության ղեկավար Սարիկ Մինասյանը:
«Սիրելի գյումրեցիներ, հաշվի առնելով ձեր բազմաթիվ զանգերն ու մտահոգությունները` կապված «Գյումրու օր» տոնակատարության չեղարկման հետ, Գյումրու ավագանու «Քաղաքացիական պայմանագիր» խմբակցությունը նախաձեռնելու է ավագանու արտահերթ նիստ:
Օրակարգում «Գյումրու օր» տոնակատարության անցկացման վերաբերյալ հարցն է լինելու:
Գյումրեցուն չեն կարող զրկել տոնից և արդեն ավանդույթ դարձած օրը արժանվույնս նշելու հնարավորությունից»,- ասվում է գրառման մեջ:
Հիշեցնենք՝ սեպտեմբերի 16-ին տեղի ունեցած Գյումրու ավագանու նիստում Վարդան Ղուկասյանն առաջարկել է հարցը հանել է օրակարգից, այս կերպ չեղարկելով «Գյումրու օր»ը:
