![]()
ԱԺ պատգամավոր Արսեն Թորոսյանն իր ֆեյսբուքյան էջում անդրադարձել է Տաշիր Սամոյի երբորորդու ստերին։
Ստորև մտքերը ասել է Սամվել Կարապետյանի եղբայր Կարեն Կարապետյանի որդի Նարեկ Կարապետյանը։
Մեր կողմից ձևավորվող նոր քաղաքական ուժի դեմ օգտագործվող առաջին ֆեյք միջոցը լինելու է այն, որ Ռուսասատանն ուղարկել է Սամվել Կարապետյանին, որպեսզի այստեղ ռուսական ազդեցություն տարածի, հայտարարել է «Տաշիր» ընկերությունների խմբի փոխնախագահ Նարեկ Կարապետյանը:
Կարծում եմ մեր քաղաքացիները շատ լավ հասկանում են, թե ՌԴ-ում պետական և հատկապես Գազպրոմի գնումներով դոլարային միլիարդատեր դարձած մարդը ինչքան անկախ է ՌԴ իշխանություններից։
«Երկրորդ ֆեյքը նախկինների հետ առնչությունն է: Երկրի բոլոր ղեկավարները ցանկություն են հայտնել աշխատել հայկական Սփյուռքի կարկառուն ներկայացուցիչների հետ, մեծ ներդրողների հետ: Սամվել Կարապետյանը ևս հրավիրվել է նոր ներդրումներ անելու: Այդտեղ ստեղծվել են հարաբերություններ աշխատանքային և փոխադարձ հարգանքի վրա հիմնված՝ հայրենիքի ղեկավարի և հայրենիքում ներդրում անող գործարարի միջև: Այս հարաբերությունները հարգալից են, սակայն անցած ճանապարհներն ունեն տարբերություններ: Իմ կարծիքով, այն քաղաքական ստրատեգիան, որը հաջողվել է 2000-ականներից մինչ այսօր, չի կարող էֆեկտիվ լինել 2030 թվականին: Մեր բոլոր իշխանություններն ունեցել են մեկ խնդիր. քաղաքականացրել են պետական կառավարումը»,- նշել է նա:
Սամվել Կարապետյանի եղբայր Կարեն Կարապետյանը կարկառուն ՀՀԿ-ական է, 1999-2008թթ. եղել է պատգամավոր ՀՀԿ խմբակցությունում, կարճ ժամանակ նաև խմբակցության ղեկավար: 2008-2011թթ. եղել է Սերժ Սարգսյանի աշխատակազմի ղեկավար։ 2012-2018թթ. կրկին եղել է պատգամավոր ՀՀԿ կողմից։ Հիմա ինձ խնդրում եմ ասեք, այս մարդիկ ՀՀԿ կամ «նախկինների» հետ կապ ունեն, թե՞ ոչ։
«Երրորդ ֆեյքի մասին կուզենայի ասել, ավելի շատ ֆեյք չէ՝ մանիպուլյացիա է. Շվեյցարիայում մեր երկրի ղեկավարը հայտարարել է, որ պետք է Սփյուռքը Հայաստանին աջակցող ինստիտուտ էլ չլինի: Նույն էլ, ասում է, որ Հայաստանը Սփյուռքին աջակցող ինստիտուտ էլ չլինի: Սփյուռքն ամեն տարի Հայաստանին ուղարկում է 5 մլրդ դոլար: Դա մեր ՀՆԱ-ի 20-25 տոկոսի չափ է»,- հավելել է Կարապետյանը:
Նախ վարչապետը նման բան չի ասել, նա ասել է, որ ինքը ՀՀ վարչապետն է և ոչ թե համայն հայության, ինչը հենց այդպես էլ կա։ Եվ երկրորդ Սփյուռքը տարեկան 5մլրդ դոլար չի ուղարկում Հայաստան, դա ԲԱՑԱՀԱՅՏ սուտ է։
![]()