ՌԴ քաղաքացի Սամվել Կարապետյանը ընդունել է, որ ՀՀ պետականության դեմ կռիվ է տալիս. ինձ դատի է տվել. Չախոյան

ՌԴ քաղաքացի Սամվել Կարապետյանը ընդունել է, որ ՀՀ պետականության դեմ կռիվ է տալիս։

Այս մասին «Ֆեյսբուք»-ի իր էջում գրել է ՀՀ վարչապետի աշխատակազմի ղեկավարի տեղակալ Տարոն Չախոյանը՝ շարունակելով.

«Ինձ դատի է տվել նրա համար, որ ասել եմ «Հայաստանի պետականության դեմ կռիվ տվողները, պետության զորությունը կզգան մռութներին»:

Արածս արտահայտությունը համարել է վիրավորական իր անձի հանդեպ ու դիմել է դատարան։

Այս կերպ ընդունել է, որ ՀՀ պետականության դեմ կռիվ է տալիս, հակառակ դեպքում ինչու՞ է դատարան դիմել։

ՀԳ․ Հազար ասեցինք՝ շատ փողը դեռ խելքի նշան չէ։
մաս1»:

Հիշեցնենք՝ հունիսի 18-ի գիշերը ձերբակալվել էր գործարար, միլիարդատեր Սամվել Կարապետյանը: Վերջինս ոստիկանների ուղեկցությամբ բաժին էր տեղափոխվել Ուլնեցի փողոցում գտնվող իր բնակարանից:

Ըստ գործարարի փաստաբանի՝ Սամվել Կարապետյանը չի ընդունում իրեն ներկայացված մեղադրանքը։

Գործարար Սամվել Կարապետյանի նկատմամբ հանրային քրեական հետապնդում հարուցելու մասին որոշում է կայացվել:

Հունիսի 18-ին Կարապետյանը կալանավորվել է երկու ամսով։

Loading

Մի մոռացեք կիսվել Ձեր ընկերների հետ