![]()
«Մենք վստահ ենք, որ նա գնալու է»։
Այս մասին Ազգային ժողովում լրագրողների հետ ճեպազրույցի ընթացքում ասաց ՀՀ ԱԺ նախագահ Ալեն Սիմոնյանը՝ անդրադառնալով կաթողիկոսի հրաժարականի պահանջին։
«Ես չեմ կարող ասել՝ ինքնակա՞մ է գնալու, թե՞ կողքի եպիսկոպոսները, խիղճը, Աստված իրեն ինչ-որ ձևով նշան կտան, թե՝ եղբա՛յր, ամոթ է, մի՛ արա այդ բանը, դու դարձել ես Լյուդովիկոս 14-ը, թե՝ պետությունը ես եմ, եկեղեցին ես եմ»,- ասաց նա։
Ըստ Սիմոնյանի՝ իրենք կաթողիկոսի թեկնածու չունեն. «Որևէ մեկի անուն ՔՊ-ում, մեր անձնական զրույցների մեջ, երբևէ չի քննարկվել»։
Նա նաև նշեց, որ եկեղեցականներն իրենք իրենց մեջից պետք է ընտրեն։ Իսկ ինչպես են համոզված լինելու, որ պոտենցիալ թեկնածուն ուխտը չի խախտել, Սիմոնյանն ասել է. «Դե, ենթադրում եմ, ամենամեծ պրոբլեմը, որ կաթողիկոսը չի գնում, դա է»։
![]()