Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի հետ հեռախոսազրույցից հետո հրահանգել է դադարեցնել Ուկրաինայի էներգետիկ ենթակառուցվածքի հարվածները։ Այդ մասին հայտնել են Կրեմլի մամուլի ծառայությունից։
«Զրույցի ընթացքում Դոնալդ Թրամփն առաջարկել է, որ հակամարտության կողմերը 30 օրով հրաժարվեն հարվածներից էներգետիկ օբյեկտներին։ Վլադիմիր Պուտինը դրական է արձագանքել այս նախաձեռնությանը և անմիջապես համապատասխան հրաման տվել ռուսական զորքերին», — նշված է հաղորդագրության մեջ, գրում է ՌԻԱ Նովոստին։
Այս համատեքստում Ռուսաստանի առաջնորդը կարևորել է Ուկրաինայում պարտադիր զորակոչի դադարեցումը և Ուկրաինայի զինված ուժերի վերազինման գործընթացի դադարեցումը։
Բացի այդ, Պուտինը նշել է, որ հակամարտության սրման կանխման և դիվանագիտական կարգավորման հիմնական պայմանը մնում է Կիևին օտարերկրյա ռազմական օգնության դադարեցումը և հետախուզական տվյալների փոխանցման դադարեցումը։
Մարտի 18–ի երեկոյան Պուտինն ու Թրամփը երկրորդ անգամ ամսվա ընթացքում հեռախոսազրույց են ունեցել, որը տևել է մոտ երկու ժամ։ Բացի ուկրաինական ճգնաժամից, նախագահները քննարկել են երկկողմ հարաբերություններն ու միջազգային իրավիճակը։
