Միասնական տոմսային համակարգի ներդրման շրջանակներում քաղաքապետարանի հասարակական կարգի պահպանության ծառայությանը վերահսկողական գործառույթ տրամադրելու շուրջ իրավական կարգավորումների ապահովման համար նախագծերի փաթեթ է մշակվել:
Այս մասին Երևանի քաղաքապետարանի գործակարգավարական խորհրդակցության ժամանակ զեկուցել է Երևանի փոխքաղաքապետ Սուրեն Գրիգորյանը:
«Նախագծերի փաթեթը մեկ անգամ քննարկվել է նախարարական կոմիտեում, դրվել է հանրային քննարկման, որի երկշաբաթյա ժամկետը կլրանա հաջորդ երկուշաբթի, և ամփոփվելուց հետո կներկայացվի Ազգային ժողով»,- ասել է նա:
Երևանի քաղաքապետարանը 15 հազար դրամ տուգանք է առաջարկում սահմանել հասարակական տրանսպորտից առանց վճարելու օգտվողների համար:
Վարչական պատասխանատվության կենթարկվեն նաև արտոնություն ունեցողների քարտերով երթևեկողները:
