Քաղաքագետ Էդգար Առաքելյանը «Ֆեյսբուք»-ի իր էջում անդրադարձել է Բելառուսի նախագահ Ալեքսանդր Լոուկաշեկոյի՝ Հայաստանին ուղղված վերջին հայտարարություններին:
«Լուկաշենկոյին ցիտողները և Լուկաշենկոյի խոսքերը որպես ճշմարտություն ընդունողներն ադրբեջանցի պռոպագանդիստներ են՝ ընդդեմ Հայաստանի։
Հ.Գ. Չգիտես ինչպե՞ս, Ալիևի ընկեր և Հայաստանի ու Արցախի դեմ պատերազմ պլանավորած ու Ադրբեջանին զենք մատակարարած Լուկաշենկոն մտահոգվել է Հայաստանի ապագայի համար»,- գրել է Առաքելյանը:
Նշենք՝ Բելառուսի նախագահը հայտարարել էր, թե իր համար զարմանալի է, որ Հայատանը «նեղացել է» այն բանի համար, որ Ադրբեջանը զենք է գնել Բելառուսից և դա կիրառել Լեռնային Ղարաբաղի պատերազմում:
Նա չի հերքել, թե որպես Հայաստանի հետ նույն ռազմական կառույցում՝ ՀԱՊԿ-ում գտնվող երկիր, Ադրբեջանին զենք է վաճառել, ընդգծելով, որ բաց են եղել նաև Հայաստանի համար:
«Ով փող է վճարել, նա էլ ապրանք է ստացել», — ասել է Բելառուսի գործող ղեկավարը:
Բացի այդ, նա դժոհել է ՀՀ վարչապետի վարած քաղաքականությունից:
