Գևորգը ապագա բժիշկ էր, 8 լեզու գիտեր․ հավերժի ճամփորդը

Բանակ գնալուց առաջ՝ 2019 թվականի դեկտեմբերի 20-ին, Գևորգը բռնցքամարտի վերջին մրցումն է անցկացրել, որտեղ հաղթել էր թուրք մրցակցին․հաղթանակը նվիրել էր մորը:

Արցախյան պատերազմում զոհված Գևորգ Գևորգյանը իմացել է 8 լեզու. «Ասում էր՝ մամ պիտի աշխարհի բոլոր լեզուները սովորեմ»,-պատմում է մայրը՝ Թամարա Գևորգյանը:

Գևորգը ընդունվել է Գերմանիայի պետական բժշկական համալսարան, սովորել է մեկ տարի և որոշել է վերադառնալ հայրենիք, որպեսզի ծառայության անցնի. «Բայց ցավոք, կյանքը տվեց հայրենիքին»,-նշում է մայրը:

Նրա խոսքով՝ երբ տեղափոխվել են Գերմանիա՝ մշտական բնակության, Գևորգի սենյակի պատուհանից միշտ ծածանվել է հայկական եռագույնը:

«Հայրենասիրությամբ ապրում էր, բայց միշտ ասում էր՝ մամ, իմ մեջ մի բան թերի է, երբ ես իմ հայրենիքում չեմ, իմ հայրենիքի պարտքը չեմ տվել, դա ինձ համար բացթողում է: 20 տարեկանն էինք նշում ներս մտավ, ձեռքին տոմսեր էր, ասաց՝ մամ, ներիր և ընդունիր որոշումս, հայ եմ, պիտի գնամ իմ հայրենիքի պատքը տամ»,-պատմում է զոհված զինծառայողի մայրը:

Loading

Մի մոռացեք կիսվել Ձեր ընկերների հետ