Արմեն Սարգսյանը վերադարձրել է Արտակ Դավթյանին ՀՀ ԶՈՒ ԳՇ պետ նշանակելու մասին վարչապետի առաջարկությունը

Հանրապետության նախագահն իր առարկություններով վերադարձրել է Արտակ Դավթյանին ՀՀ ԶՈւ գլխավոր շտաբի պետ նշանակելու մասին վարչապետի առաջարկությունը:

Հիշեցնենք, որ վարչապետ Նիկոլ Փաշինյանը նախագահ Արմեն Սարգսյանին Զինված ուժերի գլխավոր շտաբի պետի պաշտոնում Արտակ Դավթյանին նշանակելու համար միջնորդությունը ներկայացրել էր երեկ՝ մարտի 10-ին։

Հիշեցնենք, որ երեկ հայտնի դարձավ՝ ՀՀ ԶՈՒ գլխավոր շտաբի նախկին պետ, գեներալ-լեյտենանտ Արտակ Դավթյանը պաշտպանության նախարար Վաղարշակ Հարությունյանի հրամանով նշանակվել է Հատուկ հանձնարարություններով ավագ սպա:

2020 թվականի հունիսի 8-ին, ՀՀ նախագահի հրամանագրի համաձայն Արտակ Դավթյանն ազատվել էր Հայաստանի Հանրապետության զինված ուժերի գլխավոր շտաբի պետի պաշտոնից:

Ավելի ուշ՝ վարչապետի 2020 թվականի հուլիսի 16-ի որոշմամբ, Դավթյանը նշանակվել էր ռազմարդյունաբերության կոմիտեի նախագահ։ Այս պաշտոնից ազատվել էր նոյեմբերի 11-ին։

Այս թեմայով

Արմեն Սարգսյանը չի ստորագրի բայց չի էլ դիմի ՍԴ, իսկ Արտակ Դավթյանը կնշանակվի ՀՀ ԶՈՒ ԳՇ պետ

Loading

Մի մոռացեք կիսվել Ձեր ընկերների հետ