Նոր երկրաշարժ Շորժա գյուղից 4 կմ հյուսիս-արևելք. ցնցումները Շողակաթում զգացվել են 2-ից 3 բալ ուժգնությամբ

Փետրվարի 6-ին, տեղական ժամանակով ժամը 13:23-ին (Գրինվիչի ժամանակով` ժամը 09:23-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.52⁰ և արևելյան երկայնության 45.30⁰ աշխարհագրական կոորդինատներով` Հայաստան, Գեղարքունիքի մարզի Շորժա գյուղից 4 կմ հյուսիս-արևելք, օջախի 10 կմ խորությամբ, 2.2 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:

Երկրաշարժը զգացվել է Գեղարքունիքի մարզի Շողակաթ գյուղում` 2-3 բալ ուժգնությամբ: Այս մասին տեղեկացնում է ՀՀ ԱԻ նախարարությունը:

Հիշեցնենք, որ երեկ՝ փետրվարի 5-ին, գրանցվել էր երկու երկրաշարժ Շորժա գյուղից 5 կմ հյուսիս-արևելք: Ցնցումները զգացվել էին Գեղարքունիքի մարզում 5-6 բալ, Կոտայքի Տավուշի, Լոռու և Արարատի մարզերի բազմաթիվ բնակավայրերում 4-6 բալ, Երևան քաղաքում 3 — 4  բալ ուժգնությամբ

Եվս մեկ երկրաշարժ էլ ավելի վաղ գրանցվել էր այսօր՝ փետրվարի 6-ին, Շորժա գյուղից 4 կմ հյուսիս-արևելք, օջախի 10 կմ խորությամբ, 2.3 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:
Երկրաշարժը զգացվել է Գեղարքունիքի մարզի  Շողակաթ համայնքում`2-3  բալ ուժգնությամբ:

Loading

Մի մոռացեք կիսվել Ձեր ընկերների հետ