![]()
Առողջապահության նախարար Արսեն Թորոսյանը հրաժարականի դիմում է ներկայացրել։
ՀՀ նախագահի աշխատակազմի տեղեկատվության և հասարակայնության հետ կապերի վարչությունից ArmDaily.am-ին տեղեկացրեցին, որ վարչապետ Նիկոլ Փաշինյանից ստացել են Արսեն Թորոսյանի պաշտոնից ազատելու առաջարկը։ ArmDaily.am-ի տեղեկություններով Թորոսյանին կփոխարինի Առողջապահության փոխնախարար Անահիտ Ավանեսյանը։
Արսեն Թորոսյանը առողջապահության նախարար էր նշանակվել 2018թ․ մայիսի 12-ին։
Մամուլում շրջանառվող տեղեկությունների համաձայն՝ Արսեն Թորոսյանը նշանակվելու է վարչապետի աշխատակազմի ղեկավար՝ Էդուարդ Աղաջանյանի փոխարեն։
Հիշեցնենք, որ Արսեն Թորոսյանը 2018 թվականի օգոստոսից հանդիսանում է «Քաղաքացիական պայմանագիր» կուսակցության անդամ: 2018 թվականի մայիսի 12-ին ՀՀ նախագահի հրամանագրով նշանակվել է ՀՀ առողջապահության նախարար։
![]()