Գիշերն ադրբեջանցիների կողմից մեր հայրենակիցների վրա հարձակում է տեղի ունեցել Շչերբինկա քաղաքում։ Այս մասին «Փաստինֆո»-ի հետ զրույցում ասաց Ռուսաստանի միավորված հայերի կազմակերպության համանախագահ Դավիթ Տոնոյանը՝ նշելով, որ միայն այդ դեպքն է հաստատված, բայց կան տեղեկություններ նաեւ այլ հարձակումների մասին։
Նրա փոխանցմամբ՝ այս պահին հարաբերական հանգիստ է, Ռուսաստանի իրավապահները լուրջ քայլեր են ձեռնարկում՝ իրավիճակը վերահսկելու համար և կարելի է ասել, որ վերահսկում են։ Նրա խոսքով՝ կան ձերբակալվածներ և՛ ադրբեջանցիների, և՛ հայերի շրջանում։
Անդրադառնալով ՌԴ-ում ապրող հայերի անվտանգության ապահովման խնդրին՝ Տոնոյանն ասաց, որ և՛ իրավապահներ մարմինների, և՛ համայնքի կողմից, և՛ քաղաքացիների կողմից արվում է ամենը՝ անվտանգությունն ապահովելու համար։
Նրա գնահատմամբ՝ իրավիճակն ամբողջությամբ կառավարվում է։
