ՀՀ երկրորդ նախագահ Ռոբերտ Քոչարյանի աջակիցների հավաքին է միացել նաեւ ՀՀԿ խոսնակ, ԱԺ նախկին փոխխոսնակ Էդուարդ Շարմազանովը։
«Ես հերթական անգամ միացել եմ ձեր, մեր, բոլորիս պայքարին հանուն ազատության, հանուն երկրորդ նախագահի ազատության պայքարին, հանուն նրա, որ մեր երկրում չլինեն քաղբանտարկյալներ, հանուն նրա, որպեսզի չլինի զանգովի արդարադատություն։ Եկել եմ իմ կուսակցության աջակցությունը հայտնելու ձեզ բոլորիդ և ասել, որ լույսը երբեք չի ստվերվելու, Հայկը չի կարող պարտվել Բելին»,- հայտարարել է Էդուարդ Շարմազանովը։
Էդուարդ Շարմազանովն նշեց նաև, որ այսօր Հայաստանում գործում է «զանգովի արդարադատություն»։
Հիշեցնենք, որ այսօր՝ սեպտեմբերի 11-ին, ՀՀ երկրորդ նախագահ Ռոբերտ Քոչարյանի աջակիցները նստացույց սկսեցին Երևանի ընդհանուր իրավասության դատարանի Շենգավիթի նստավայրի մոտ` պահանջելով դատարանից անհապաղ ի կատար ածել ՍԴ որոշումը և ազատ արձակել երկրորդ նախագահին:
