ՀՀ վարչապետ Նիկոլ Փաշինյանի դուստրը՝ Մարիամ Փաշինյանը, ֆեյսբուքյան իր էջում կիսվել է «Դինգո» թիմի տարածած տեսանյութով կենդանիների նկատմամբ դաժան վերաբերմունքի մասին եւ գրառում է կատարել:
«Սա ուղղակի անընդունելի ա… էս վայրենի վարվելակերպը պետք ա խստորեն պատժվի»,- գրել է նա:
Տեսանյութի մեկնաբանություններում ասվում է.
Տարբեր մարզեր արդեն սկսել են մտածել, թե ինչպես թափառող կենդանիների հարցը սկսեն լուծել առանց սպանդի, որոշ մարզերում արդեն սկսվել են ստերջացման աշխատանքները (Էջմիածին, Բյուրեղավան, Եղվարդ):
Իսկ ԳՅՈՒՄՐԻՈՒՄ դեռ բարբարոսությունն է իշխում: Ի՞նչ է սա Գյումրու քաղաքապետարան: Քաղաքի կենտրոնում, բնակելի վայրում… արնաշաղախ փողոց… ու այս ամենը երեխաների աչքի առաջ:
Ենթադրենք մի քանի ամիս էլ այս մեթոդը կիրառեցիք… բա հետո՞: Շուտով սպանդը քրեորեն պատժելի է դառնալու, բա այդ ժամանակ ի՞նչ եք անելու: Որ վայրկյանից օրենքը ընդունվեց, բոլոր կրակողների հետևից ընկնելու ենք հատիկ-հատիկ, ձեր ազատ սպանելուն հաշված ժամանակ է մնացել!
