Ժնևում ավարտվել է Ադրբեջանի և Հայաստանի խորհրդարանների նախագահներ Սահիբա Գաֆարովայի և Ալեն Սիմոնյանի երկկողմ հանդիպումը։
Այս մասին գրում են ադրբեջանական լրատվամիջոցները՝ նշելով, որ հանդիպումը կազմակերպվել էր Միջխորհրդարանական միության նախաձեռնությամբ և միջնորդությամբ։
Հանդիպմանը քննարկվել են հարցերը, թե ինչպես կարող են երկու երկրների խորհրդարաններն աջակցել խաղաղ գործընթացին՝ Ադրբեջանի և Հայաստանի միջև ընթացող խաղաղ բանակցությունների ֆոնին։
Կողմերը պայմանավորվել են դիտարկել խորհրդարանական մակարդակով երկխոսության հնարավորությունները։
Հանդիպումն անցել է կառուցողական մթնոլորտում։
Ավելի վաղ հայտնել էինք, որ Ժնևում ընթացող Միջխորհրդարանական միության 148-րդ վեհաժողովի շրջանակներում տեղի էր ունենում Ադրբեջանի և Հայաստանի խորհրդարանների նախագահներ Սահիբա Գաֆարովայի և Ալեն Սիմոնյանի երկկողմ հանդիպումը։
