«Խաղաղությունը վերաբերում է Բաքվին ու Երևանին, դա կապված չէ Փարիզի, Բրյուսելի կամ այլ վայրերի հետ։ Խաղաղության պայմանագիրը պետք է ստորագրեն երկու երկրներ (Ադրբեջանն ու Հայաստանը – խմբ.)»։
Այս մասին Թուրքիայի Անթալիա քաղաքում դիվանագիտական ֆորումի շրջանակներում տեղի ունեցած «Խաղաղությունը, զարգացումն ու կապվածությունը Հարավային Կովկասում» խորագրով պանելային քննարկման ելույթի ժամանակ ասել է Ադրբեջանի նախագահի օգնական-Նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
Հաջիևը նաև հավելել է, որ խաղաղության պայմանագիրը չպետք է ստորագրվի հանուն ստորագրման, խաղաղության հասնելու համար իրական մտադրություն է անհրաժեշտ։
Նախագահի օգնականի խոսքով՝ «Ադրբեջանը ցանկանում է, որ Հարավային Կովկասի տարածաշրջանը լինի փոխակերպման, խաղաղության, անվտանգության և համագործակցության տարածաշրջան»։
