Ուկրաինայի ազգային ռազմաբժշկական կենտրոնի գլխավոր զինվորական կլինիկական հոսպիտալը փետրվարի 8-ին հերթական մարդասիրական օգնությունն է ստացել, որը տրամադրվել է ՀՀ կառավարության կողմից:
Նվիրաբերված մոտ 10 տոննա դեղորայքն ու բուժամիջոցները բաշխվել են Ուկրաինայի հայերի միության կենտրոնակայանից:
Այս մասին հայտնել է Ուկրաինայում ՀՀ դեսպանությունը:
Միջոցառմանը ներկա են եղել Ուկրաինայի պաշտպանության փոխնախարար Նատալյա Կալմիկովան, Ուկրաինայում ՀՀ արտակարգ և լիազոր դեսպան Վլադիմիր Կարապետյանը, ՀՀ դեսպանության ռազմական կցորդ Համիկ Սայադյանը, Ուկրաինայի հայերի միության շտաբի ղեկավար Դավիթ Մկրտչյանն ու միության անդամները, Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանը և այլք:
Կարճ ելույթներ են ունեցել Նատալյա Կալմիկովան, Վլադիմիր Կարապետյանն ու Դավիթ Մկրտչյանը։
Նախորդ հումանիտար օգնությունը այս տարվա փետրվարի 1-ին փոխանցվել էր Դնեպրոպետրովսկի մարզի զինվորական հոսպիտալին։ Հաջորդը Խարկովի հիվանդանոցներից մեկը կլինի: