Հայոց Ցեղասպանության 104-րդ տարելիցին Ծիծեռնակաբերդ էր գնացել Հայոց ցեղասպանությունը վերապրած 108–ամյա Եպրաքսյա Գևորգյանը: Կարսից գաղթած Եպրաքսյա Գևորգյանի մայրը իրեն մազապուրծ փախցրել էր Արևմտյան Հայաստանից։
«Կարսից գաղթել ենք Օշական, հետո գնացել Աշտարակ, Եղվարդ, սակայն մարդկանց համար այնտեղ արդեն տեղ չկար: Հետո գնացել ենք Գյումրի: Այնտեղ հանդիպել ենք Ասքանազ Մռավյանին (ԽՍՀՄ Կենտրոնական Գործադիր Կոմիտեի անդամ, հեղափոխական, պետական գործիչ), ով մեզ տարավ երկու հարկանի տուն: Նա մեզ ասաց՝ մտեք այստեղ, յոլա գնացեք, մինչև տեսնենք, ինչ է լինում»,- պատմեց Եպրաքսյա տատը:
Եպրաքսյա Գևորգյանի անձնագրում որպես ծննդյան տարեթիվ նշվում է 1914թ., սակայն ինչպես նրա թոռն է նշել՝ տատիկը ավելի վաղ է ծնվել և օրերս նշել է 108-ամյակը:
Տեսանյութը ստորև․․․
