Չինաստանում բժիշկները հեռացրել են տեղի բնակիչներից մեկի մեջքին առաջացած 15 կիլոգրամանոց գոյացությունը: Թանգ ազգանունով 68-ամյա տղամարդն այդ ուռուցքով ապրել է ավելի քան 30 տարի:
Երկար տարիներ բժիշկները չէին ցանկանում վիրահատել տղամարդուն, քանի որ ուռուցքն արդեն ախտահարել էր նրա հիմնական զարկերակները, թոքերն ու ողնաշարը, սակայն նա հիվանդանոց է տեղափոխվել քներակի վնասվածքի պատճառով:
Մի քանի ամիս տղամարդը գտնվել է բժիշկների հսկողության տակ, որից հետո նոր որոշել են նրան վիրահատել:
Վիրահատությունը տևել է 33 ժամ, տղամարդը մեծ քանակությամբ արյուն է կորցրել, սակայն բժիշկները մեծ ջանքեր են գործադրել նրա կյանքը փրկելու համար:
Չորս օր վերակենդանացման բաժանմունքում անցկացնելուց հետո նրա ինքնազգացողությունը սկսել է բարելավվել։
