Արդեն իսկ մի քանի օր է, ինչ ողջ երկիրը ալեկոծվել է «Սուրմալու» տոնավաճառում տեղի ունեցած պայթյունից լուրով։ Տասնյակ վիրավորներ, մոտ 2 տասնյակ զոհվածներ և դեռևս մի քանի անհետ կորածներ։ Ցավալի պատահարից մինչ այս պահը հանրությունը վիշտը սրտում սպասում է պայթյունից րոպեներ անց մեկնարկած փրկարարական աշխատանքներից դրական լուրի։ Մարդիկ աղոթում են վիրավորների ու անհետ կորածների համար, իսկ հարյուրավոր մարդիկ կամավորական ջոկատներով փորձում են ամեն կերպ օգնել փրկարարներին։
Քիչ առաջ էլ հայտնի դարձավ, որ վարչապետի որոշմամբ 2022 թվականի օգոստոսի 17-18-ը ներառյալ հայտարարվում է սուգ։
Իսկ ու՞ր է կորել ազգի հոգևոր հայրը։ Ու՞ր է կորել մեր հոգևոր հովիվը, որ պետք է այս նեղ ու օրհասական պաին սատար կանգներ իր մոլորյալ ժողովրդին, ով պետք է իր՝ սրբազանի խոսքն ասեր ու փարատեր մարդկանց վիշտը։ Եթե ոչ հիմա, էլ երբ պետք է իր առաքելությունն անի կաթողիկոսը։
Չկա, Բ Գարեգինը իզով-թոզով կորել է, ծպտունն անգամ դուրս չի գալիս, անգամ ցավակցական խոսք չի հայտնել։
Թող ների ինձ Աստված, բայց էլ ում ինչին է պետք Բ Գարեգինը։
Երևի ընդդիմության ցույց պետք է լիներ Երևանի փողոցներում, որ իր սևազգեստներին վայրկյան առաջ գործուղեր քաղաքական ակցիա իրականացնելու։
Ի դեպ, չար լեզուների պնդմամբ, Բ Գարեգինը կորել է, վեհարանից դուրս է եկել և չի վերադարձել։
Գոնե սա իրական լիներ, իմանայինք կորել է, դրա համար ծպտունը դուրս չի գալիս։
