Հնդկաստանում սիամական երկվորյակներ են ծնվել` տղա եւ աղջիկ, որոնք 4 ձեռք, 2 ոտք ունեն, իսկ գրեթե բոլոր ներքին օրգաններն ընդհանուր են:
Երեխաների մայրը` 24-ամյա Շիբրաջո Դեւին, գաղափար չուներ, որ երկվորյակների է սպասում, չնայած հղիության ընթացքում գնացել է բժշկի եւ նույնիսկ մի քանի անգամ ԳՁՀ արել:
Երեխաները ծնվել են Հնդկաստանի արեւելքում գտնվող մասնավոր կլինիկաներից մեկում, սակայն հետո նրանց տեղափոխել են այլ հիվանդանոց, որտեղ նրանց վիճակը կայունացրել են:
Երեխաների հետագա բուժման համար անհրաժեշտ էր նրանց Դելի տեղափոխել: Երիտասարդ զույգը նման ուղեւորության եւ մայրաքաղաքում բուժման փող չուներ եւ նրանք ստիպված էին երկվորյակներին տուն տանել:
«Իմ սիրտը կոտրված է,- ասել է երեխաների մայրը: Ես հույս ունեի, թե բժիշկները կկարողանան փրկել նրանց կյանքը, բայց բժիշկները երես են թեքել նրանցից եւ ես չգիտեմ, թե հիմա նրանց վիճակն ինչ է լինելու»:
Հնդիկ բժիշկները նշել են, որ երեխաները սերտաճել են որովայնի մասով եւ երկուսով ընդհանուր օրգաններ ունեն:Ողջ մնալու հավանականությունը շատ փոքր է։
