Այսօր Հայաստանի Բանկերի միության նախագահ Արտակ Անանյանն ու գործադիր տնօրեն Սեյրան Սարգսյանը հյուրընկալվեցին Զինվորի տանը:
Նրանք ծանոթացան գործակցության շրջանակում Բանկերի միության ֆինանսավորմամբ Զինվորի տան համար ձեռք բերված էլեկտրոնեյրոմիոգրաֆիայի սարքի աշխատանքին:
Այն վերջին սերնդի եզակի սարքավորում է: ԷՆՄԳ հետազոտությունը համարվում է ոսկե ստանդարտ հետազոտություն ծայրամասային նյարդերի վնասման դեպքում: Սարքավորումը հնարավորություն է տալիս առավել արդյունավետ դարձնել վիրավոր զինվորների վերականգնողական բուժումը, իրականացնել դինամիկ վերահսկողություն բուժման ամբողջ ընթացքում:
Հանդիպման ընթացքում քննարկեցինք Բանկերի միության և Զինվորի տան գործակցությունը նոր մակարդակի բարձրացնելու և շարունակական դարձնելու հարցերը, ինչպես նաև մշակեցինք գործակցության նոր նախագիծ, որի մասին կհայտարարենք շատ շուտով:
