Մոսկվայի առողջապահության դեպարտամենտի գլխավոր դիետոլոգ Անտոնինա Ստարոդուբովան ՌԻԱ Նովոստիի հետ զրույցում բացահայտել է օգտակար խորովածի պատրաստման գաղտնիքները:
Մասնագետը խորհուրդ է տվել ընտրել մսի եւ թռչնամսի՝ ճարպի ցածր պարունակությամբ տեսակներ կամ նախապատվությունը տալ ձկնեղենին։ Նա նշել է, որ պատրաստի արտադրանքի չափաբաժինը պետք է լինի ոչ ավելի, քան 100-150 գրամ։
Դիետոլոգն ընդգծել է, որ հանգստյան օրերին կարևոր է չափից շատ չուտել։ Նա նաեւ խորհուրդ տվեց փոխարինել խորովածի մի մասը բանջարեղենով: «Ավանդաբար Կովկասում խորովածն օգտագործում են սննդակարգում՝ մեծ քանակությամբ թարմ և խորոված բանջարեղենով և կանաչիներով։ Դրանք վիտամինների, հանքային նյութերի, սննդային մանրաթելերի եւ բիոֆլավոնոիդների հիանալի աղբյուր են», — ասել է Ստարոդուբովան։
Փորձագետի խոսքով՝ խորովածի հետ լավագույն ըմպելիքը ջուրն է։ Նա կոչ է արել հրաժարվել հյութերից եւ ալկոհոլային խմիչքներից, քանի որ մարսողական համակարգի վրա առանց այն էլ մեծ ծանրաբեռնվածություն է դրվում:
