Ազովի ծովն առաջիկա 20 տարիների ընթացքում կարող է վերացնել մոտ 6,5 քառակուսի կիլոմետր հող: Համեմատության համար նշենք, որ սա 3 անգամ գերազանցում է Մոնակոյի տարածքը: Այս եզրակացությանն են հանգել Հարավային դաշնային համալսարանի և ՌԴ ԳԱ հարավային գիտական կենտրոնի գիտնականները: Արդեն մի քանի տարի նրանք ուսումնասիրում են սողանքային գործընթացները:
Բացահայտվել է ավելի քան 40 պոտենցիալ վտանգավոր տեղ. այս գոտում կան ավելի քան 100 սոցիալական նշանակության օբյեկտներ: Հնարավոր նյութական կորուստներն ավելի քան 750 միլիոն ռուբլի կլինեն, հայտնում է «Դոն-ՏՐ» պետական հեռուստառադիոհեռարձակող ընկերությունը:
Խնդիրը լուծելու տարբերակներ կան: Միջազգային ստանդարտների և Ռուսաստանի օրենսդրության հիման վրա արդեն մշակվել են Ազովի ծովի ափամերձ գոտում վտանգավոր բնական և տեխնածին գործընթացների կառավարման համակարգի մոդելը և հիմնական տարրերը:
