Ռուս գիտնականները գտել են մարմնի ջերմությամբ գաջեթները լիցքավորելու միջոց։ Գյուտի հեղինակները МИСиС հետազոտական տեխնոլոգիական համալսարանի մասնագետներն են: Նրանք բացատրել են, որ ջերմային բջիջները մանր սարքեր են, որոնք էլեկտրաէներգիա են ստեղծում՝ օգտագործելով տարբեր առարկաների կամ միջավայրի ջերմաստիճանային փոփոխությունները:
Գիտնականները նշում են, որ այս տեսակի սարքերը կօգնեն ստանալ էներգիա, որը տարածվում է արդյունաբերական օբյեկտների, շենքերի և շատ այլ պարզ և անվճար աղբյուրների կողմից: Նույնիսկ մարդու մարմնի ջերմությունը կարող է օգտագործվել որպես աղբյուր:
МИСиС-ի առաջատար փորձագետ Իգոր Բուրմիստրովը նշել է.
«Մեր նախագծած նյութերը թույլ կտան մեզ ստեղծել, օրինակ՝ էլեկտրոնիկայի էլեկտրական սնուցիչներ՝ ներկառուցված հագուստի մեջ, որոնք օգտագործում են մարդու մարմնի և շրջակա միջավայրի ջերմաստիճանային տարբերությունը»:
Ապագայում գիտնականները նախատեսում են ստեղծել էլեկտրաքիմիական գերկոնդեսատոր, որը կլիցքավորվի տաքացվող մակերեսների հետ պարզ շփման միջոցով՝ լիցքավորումը երկար պահելով:
