Գիտնականները կապ են գտել ռեզուս-գործոնի և կորոնավիրուսով վարակվելու միջև, հայտնում է Известия-ն:
Այսպիսով, Բարսելոնայի (Իսպանիա) և Կամպինասի համալսարանի (Բրազիլիա) մասնագետները վերլուծել են կորոնավիրուսի տարածման ցուցիչները 126 երկրներում և պարզել, որ վարակվածների թվի աճը բնորոշ է այն պետություններին, որտեղ ապրում են ամենամեծ թվով բացասական ռեզուս-գործոն ունեցող մարդիկ:
Մասնավորապես, կորոնավիրուսի «պայթյունավտանգ» բռնկումներ են գրանցվել այնպիսի երկրներում, ինչպիսիք են Ավստրալիան, Ավստրիան, Բրազիլիան, Նոր Զելանդիան, Իսպանիան, Մեծ Բրիտանիան, Շվեյցարիան և Միացյալ Նահանգները: Հետազոտողները բացատրում են այս իրավիճակը այն փաստով, որ արյան բոլոր խմբերի բացասական ռեզուս-գործոն ունեցող մարդիկ ավելի արագ են վարակվում կորոնավիրուսով:
Դեպքերի աճը կարող է պայմանավորված լինել ռեզուս-գործոնի և օրգանիզմի իմունային արձագանքի միջև փոխհարաբերություններով: Ավելի վաղ Կառլի համալսարանի (Չեխիա) գիտնականները պարզել էին, որ այդպիսի մարդիկ ավելի հաճախ են հայտնում ալերգիկ, մարսողական, սրտամկանի, հեմատոլոգիական, իմունային և նյարդաբանական խնդիրների մասին:
Նաև չեխ հետազոտողները եկել են այն եզրակացության, որ բացասական ռեզուս-գործոն ունեցող մարդկանց մոտ ավելի մեծ է սրտանոթային, շնչառական և այլ հիվանդությունների զարգացման ռիսկը, ինչը կարող է բարդությունների առաջացման վրա ազդեցություն ունենալ:
