Մատանիները դասվում են զարդերի հնագույն տեսակներին: Դարեր շարունակ նրանց վերագրվել են չարխափան, պաշտպանիչ և սրբազան մի շարք այլ գործառույթներ: ՈՒսումնասիրելով զարդարվեստի պատմությունը, տեսնում ենք, որ թագուհիները որոշ զարդեր երբեմն կարող էին կրել, երբեմն՝ ոչ, և միայն մատանին էր, որ պետք Էր կրել միշտ:
Հայոց մեջ մատանին նշան էր պատվո եւ մեծագույն հարգանքի:
Թանկարժեք մատանիներ կրելու իրավունք ունեին արքաները, թագուհիները, բարձր եւ միջին իշխանական դասը, հոգևոր դասի բարձրաստիճան ներկայացուցիչները:
Արևի խորհրդանիշ, արևից ծնված մետաղը պիտի փայլեր հենց ազնվական արյուն ունեցողի կրծքին:
Հենց այդ զարդերն էին, որ պիտի առանձնացնեին թագուհուն՝ իշխանուհուց և հասարակից:
Հայերս ոսկուն վերագրել ենք հմայական հատկություններ: Ոսկին խորհրդանշել և առ այսօր խորհրդանշում է սեր, հավատարմություն, տրված երդումը չմոռանալու կամք:
Հայոց թագուհիների համար ոսկին խորհրդանշում էր կանացի ամոթխածություն, հարգանք և պատկառանք դիմացինի նկատմամբ:
Դաֆէզարդը այսօր ձեզ է փոխանցում թագուհիների զարդերի շքեղության մի մասնիկը՝ նոր կյանք տալով նրանց զարդերին:
Դաֆնէզարդ նախագծի հեղինակն է Թագակիրները ֆիլմաշարի համահեղինակ, ազգագրագետ Մանան Առաքելյանը։