Ռուսական RT հեռուստաալիքի գլխավոր խմբագիր Մարգարիտա Սիմոնյանն իր ինստագրամյան էջում տեսանյութ է հրապարակել՝ հետևորդներին ցույց տալով՝ ինչպես են իր երեխաները հայերեն կարդում:
«Ինձ հաճախ հարցնում են՝ արդյո՞ք երեխաներս հայերեն սովորում են: Իսկ երբեմն էլ մեղադրում են՝ ասելով, որ չինարեն սովորում են, իսկ «մայրենին»՝ ոչ: Պատմեմ, որ երեխաներս խոսում, գրում և կարդում են հինգ լեզվով՝ ռուսերեն, հայերեն, անգլերեն, ֆրանսերեն, չինարեն»,-գրել է Սիմոնյանը:
Նա մանրամասնել է, որ երեխաներին օտար լեզուները սկսել են սովորեցնել շատ վաղ հասակից:
«Ինչ վերաբերում է մայրենիին, ապա այն ինչպես մեր, այնպես էլ մեր երեխաների դեպքում ռուսերենն է, այն պարզ պատճառով, որ երկու հայրենիքը չի լինում»,-եզրափակել է Սիմոնյանը:⠀