ԱՄՆ Մերիլենդ նահանգի St. John Properties անշարժ գույքի ընկերության ղեկավարությունն ամենամյա տոնական միջոցառման ժամանակ իր աշխատակիցներին ծրարներ է բաժանել, որոնց մեջ ընդհանուր առմամբ 10 մլն դոլար է եղել:
198 աշխատակցի բաժանված ծրարներում եղել է տարբեր չափի գումար:
«Երբ բացեցի ծրարը, ուղղակի չէի կարող հավատալ աչքերիս»,-պատմել է աշխատակիցներից մեկը:
St. John Properties-ի նախագահ Լոուրենս Մայկրանցը CNN-ի հետ զրույցում ասել է, որ, ընկերության գործնական հաջողություններից ոգևորված, ղեկավարությունը որոշել է շնորհակալություն հայտնել իր աշխատակիցներին:
Նա մանրամասնել է, որ աշխատակիցներից յուրաքանչյուրի բոնուսային պարգևի չափը կախված է եղել նրանց աշխատանքային ստաժից: Նորեկները ստացել են 50, իսկ առավելագույն ստաժով աշխատակիցները՝ 270 000 դոլար:
