Վարչապետ Փաշինյանն իր ֆեյսբուքյան էժում կիսվել է նոր լուսանկարով և կատարել է հետևյալ գրառումով.
«Գնալ խանութ եւ հանդիպել… Հայաստանի Ազգային հերոս Հովհաննես Չեքիջյանին: )»:
Հիշեցնենք, որ ՀՀ վարչապետ Նիկոլ Փաշինյանը շրջայց է իրականացրել ՀՀ Կոտայքի մարզի համայնքներում:
Տեսնելով Նիկոլ Փաշինյանին՝ եղվարդցի տատիկներից մեկն ասաց.
«Ես քեզի երկու խոսք ունեմ ասելու, ով ինչ կանի, թող անի, դու քո խելքովդ ժողովրդին առաջ տար, նախանձություն են անում: Քեզնից շատ գոհ եմ»:
Մյուսներն էլ՝ մենք ձեր թիկունքին կանգնած ենք: Նիկոլ Փաշինյանն արձագանքեց. «Ժողովուրդը մեզ պետք է տեր կանգնի, մենք պետք է ծառայենք ժողովրդին»: Եղվարդցիները բարձրացրին աշխատատեղերի խնդիրը:
Նիկոլ Փաշինյանն ասաց, որ ճանապարհին Եղվարդ գալուց տեսավ, որ պահածոների գործարան են կառուցում և վստահեցրեց, որ աշխատատեղերի հարցը ժամանակի ընթացքում կլուծվի: Այնուհետև տեղեկացրեց, որ հունվարի 1-ից միկրոբիզնեսը հարկերից լրիվ ազատվելու է և չպետք է հույսը դնել, որ ուրիշն աշխատատեղ տա:
