ՀՀ Անվտանգության խորհրդի քարտուղար Արմեն Գրիգորյանն իր ֆեյսբուքյան էջում լուսանկար է հրապարակել և կատարել է հետևյալ գրառումը.
«Հարսանիք Շուշիում օպերացիան սկսված է…»:Հիշեցնենք, որ ԱԽ քարտուղարի հարսանիքին ներկա է հայաստանյան և արցախյան քաղաքական էլիտան՝ նրանց թվում՝ վարչապետ Նիկոլ Փաշինյանը, ԱԺ նախագահ Արարատ Միրզոյան, Արցախի Անվտանգության խորհրդի քարտուղար Արշավիր Ղարամյանը, ԱԺ նախագահ Աշոտ Ղուլյանը և ուրիշներ:
Լուսանկարում հարսնացուն կրում է սպիտակ, նուրբ զգեստ, իսկ ձեռքի ծաղկեփնջի գույները համադրված են ԱԽ քարտուղարի մանուշակագույն փողկապի հետ:
Շուշիի Սուրբ Ղազանչեցոց եկեղեցում այսօր կայացավ Արմեն Գրիգորյանի և իր ընտրյալի՝ Հաշվեքննիչ պալատի մամուլի խոսնակ Մանե Մինասյանի պսակադրությունը:Հիշեցնենք, որ առավոտյան ՀՀ վարչապետ Նիկոլ Փաշինյանն Instagram-ի իր էջում դստեր՝ 4-ամյա Արփիի հետ լուսանկար էր հրապարակել, որին կից գրել էր. «Գնում ենք Արցախ»:
