«Քվանտային արագության ընթերցման» հակասական տեխնիկան դասավանդվում է Չինաստանի Ցզյանսու նահանգի Յանչեն քաղաքում գտնվող ուսումնական կենտրոնում: Համաշխարհային հանրությունն այդ մասին իմացավ այն բանից հետո, երբ վերջերս համացանցում հայտնվեց տեսանյութ, որում երեխաները «կարդում են» այդ տեխնիկայով, չնայած, կարծես, ուսանողները պարզապես արագորեն թերթում են էջերը:
Դասընթացը նախատեսված է 10-16 տարեկան երեխաների համար: Կազմակերպիչները խոստանում են, որ ուսանողները կկարողանան մի քանի րոպեում կարդալ 100 000 բառ և նույնիսկ մտքում պահել իրենց կարդացածը:
Այնուամենայնիվ, փորձագետներն ու գիտնականները պնդում են, որ տեխնոլոգիան պարզապես կեղծիք է, և դրա համար չկա գիտական հիմնավորում: «Քվանտային արագության ընթերցման» պրակտիկայով զբաղվող երեխաների տեսագրությունները ծաղրի են արժանանում համացանցում: Մեկնաբաններից շատերը ցավում էին, որ այդպիսի դասընթացների համար ծնողները վճարել են, և սա, ի դեպ, գրեթե 2,5 միլիոն ռուբլի արժի:
