«Կրկին ու վերջին անգամ զգուշացնում եմ, կլուսաբանեմ ձեր կյանքի մութ, թաքուն ու «ռոմանԾիկ» իրադարձությունները…». Սահակ Ասատրյան

Դավթաշեն վարչական շրջանի ղեկավարի աշխատակազմի ղեկավար Սահակ Ասատրյանն իր ֆեյսբուքյան էջում գրել է.

Կրկին ու վերջին անգամ զգուշացնում եմ չարախոս-ստախոսներին.

եթե հետայսու կլսեմ թեկուզ փոքրիկ սուտ, որը կապված է իմ անվան կամ իմ գործունեության հետ, ապա այդ ժամանակ ես չեմ ալարի ու կանցնեմ ձեր բակերով և կպատմեմ ձեր ընտանիքի անդամներին ու հարևաններին ձեր անբարո, թեթևաբարո ու այլասեռված անցյալների մանրամասները:

Ինձ ճանաչող մարդիկ գիտակցում են, եթե ես մի բան ասում եմ, եթե մի բան հայտարարում եմ, ապա ունեմ բավարար լուրջ ինֆորմացիա և փաստացի ապացույցներ:

Համացանցում և ոչ միայն, կլուսաբանեմ ձեր կյանքի մութ, թաքուն ու «ռոմանԾիկ» իրադարձությունները, որոնք ստիպված եք եղել անել հանուն դրամի կամ պաշտոնի համար: Ակամայից հիշեցի Մեծն Սևակի խոսքերը.

— լրբրը սրբեր են դառել:
Այս ամենին, եթե գումարենք ձեր «թեթև» հանցագործությունները, որոնք ևս արել եք կամովի կամ էլի ստիպված, ապա չի բացառվում, որ անազատության մեջ ափսոսանք կզգաք, որ բանսարկություններով եք զբաղված եղել:
Հանգիստ նստեք տեղներդ ու հիշեք.
— ԵՍ ԱՄԵՆ ԻՆՉ ԳԻՏԵՄ ՁԵՐ ՄԱՍԻՆ.