Մանկաբարձություն, բժշկագիտության բաժին, ուսումնասիրում է հղիության, ծննդաբերության և ետծննդյան շրջանի ֆիզիոլոգիական և ախտաբանական պրոցեսները, մշակում ծննդօգնության, բարդությունների կանխարգելման մեթոդներ։
Մանկաբարձությունը բժշկագիտության հնագույն ճյուղերից է։ Եգիպտական պապիրուսներում տեղեկություններ կան դժվար և բարդացած ծննդաբերությունների ժամանակ օգնության որոշ ձևերի, իսկ հնդիկների սուրբ գրքերում հղիների ռացիոնալ սնման, ծննդօգնության մասին։
Հին ժամանակներից հայտնի է եղել նաև կեսարյան հատումը, որը մեծ կիրառություն ունի նաև այժմ։ Միջին դարերում մանկաբարձության զարգացումը դանդաղել է, և մեծ տարածում են ստացել պտղահատման վիրահատությունները։
