Քաղաքական գործիչ Անի Զախարյանը նոր շարժում է սկսում, որը նպատակ ունի հասնել Սահմանադրական փոփոխությունների։
Նա այսօր կառավարության դիմաց էր եւ լրագրողների հետ զրույցում ներկայացրեց իր ծրագիրը։
‹‹Գլխավոր նպատակը երկրում համակարգային փոփոխություններ մտցնելն է: Մենք սկսել ենք ‹‹Ժողովրդական արդարության ազգային շարժումը›› և այսօրվանից լեգիտիմացնում ենք այդ հռչակագիրը: Մարդիկ արդեն ստորագրում են այդ հռչակագրի տակ, որով լիազորում եմ, որ ինձ տեսնում են Հայաստանի հանրապետության այլընտրանքային վարչապետի պաշտոնին: Մեր հռչակագիրը լինելու է այն իրավական փաստաթուղթը, որի հիմքի վրա այսօր մշակում ենք նոր սահմանադրություն, որն ապագայում կոչվելու է ‹‹Ազգային արժեհամակարգ›› և դրանից բխող նոր օրենսդրություն, որը ծառայելու է Հայաստանի հանրապետության քաղաքացիների շահերին:
Մեկ միլիոն ստորագրություն ապահովելու դեպքում, մենք այդ ստորագրությունները կդնենք Նիկոլ Փաշինյանի կառավարության առջև և կասենք՝ հարգելի կառավարություն, դուք ձախողեցիք և ուրեմն հրաժարական տվեք, քանի որ գալիս է այն վարչապետի թեկնածուն և այն թիմը, որն ունի ժողովրդի վստահությունը, և հստակ ծրագրեր ժողովրդի և երկիրր վիճակը բարելավելու համար››:
Մանրամասները դիտեք ստորև ներկայացված տեսանյութում:
