Քիմ Քարդաշյանի հայաստանյան այցը մեծ հետաքրքրություն առաջացրեց ինչպես աշխարհահռչակ հայուհու հայրենիքում, այնպես էլ ամբողջ աշխարհում:
Ընդ որում, երկրպագուներն ակտիվորեն հետեւում էին ոչ միայն Քիմի հայաստանյան առօրյային, այլեւ ընտրած հուգուստին:
Այցի առաջին օրը Քիմ եւ Քորթնի Քարդաշյանները երեխաների հետ ուղեւորվեցին Էջմիածին, որտեղ Մայր տաճարում մկրտվեցին եւ մկրտեցին նաեւ զավակներին:
Այդ օրը Քիմը նախընտրել էր մարմինն ընդգրկող երկար դարչնագույն զգեստ, իսկ երեխաների համար՝ սպիտակ հագուստ:
Քարդաշյանները երեւանյան այցի ժամանակ եղան նաեւ Ծիծեռնակաբերդում՝ հարգանի տուրք մատուցելու 1915 թ-ի Հայոց ցեղասպանության զոհերի հիշատակին:
Քիմ Քարդաշյանին հուշահամալիրի մոտ ֆիքսեցինք սեւ շապիկով եւ կաշվե երկար շրջազգեստով, որը դիմացի հատվածում աչքի էր ընկնում յուրահատուկ բացվածքով:
