Տարոն Չախոյանն իր ֆեյսբուքյան էջում նոր լուսանկարներ է հրապարակել և կատարել է հետևյալ գրառումը.
Երեկ գործերով ուղևորվել էի Թբիլիսի: Երևանից Թբիլիսի գնացի Դիլիջան-Իջևան-Նոյեմբերյան ճանապարհով:
Անկեղծ ասած զարմացած էի, ճանապարհի բավականին երկար հատվածներ ամբողջովին հիմնանորոգվել էին:
Կային հատվածներ, որտեղ աշխատանքները դեռ շարունակվում էին, և անզեն աչքով պարզ տեսանելի էր աշխատանքների որակը՝ ասֆալտի շերտի հաստությունը, ասֆալտբետոնե ծածկը, տեղադրվող ազդանշանային համակարգերը…
Ոսկեպար գյուղի մոտ հայ-ադրբեջանական սահմանով անցնող վտանգավոր ճանապարհը շրջանցելու համար հսկայական աշխատանքներ են կատարվում…
Ոսկեպար- Բաղանիս ճանապարհը շրջանցող ռազմավարական նշանակության նոր ճանապարհ է կառուցվում:
Իսկ ճանապարհի այն հատվածները, որտեղ հիմնանորոգման աշխատանքներն արդեն իսկ ավարտվել են, կարելի է փաստել որ ունենք գրեթե իդեալական ճանապարհ:
Ճանապարհը կարծես հայելի լիներ, ու եթե չլիներ մեքենայի շարժիչի ու խլացուցիչի ձայնը, կթվար թե ընթացող (այն էլ արագ) մեքենան կանգնած է:
Թերևս մի բան կարող եմ ասել, որ Հայաստանում երբևէ նման որակի ճանապարհներ չէին եղել…
Երեկ գործերով ուղևորվել էի Թբիլիսի: Երևանից Թբիլիսի գնացի Դիլիջան-Իջևան-Նոյեմբերյան ճանապարհով:Անկեղծ ասած զարմացած…
Posted by Taron Chakhoyan on Friday, October 11, 2019
