WCIT 2019 համաժողովում իր ելույթից հետո Սերժ Թանկյանը հանդիպել է նաև երկրպագուների հետ:
Ստորագրությունների ու սելֆիների հերթ էր գոյացել դռների մոտ:
2020 թվականի հունիսին երաժիշտ, երգահան Սերժ Թանկյանն իր ռոք խմբի՝ System of a Down-ի հետ համերգային ծրագրով կլինի Երևանում: Այս մասին նա հայտնեց այսօր լրագրողների հետ հանդիպման ժամանակ:
«2020 թվականի մայիս-հունիս ամիսներին նախատեսված է մեր խմբի եվրոպական շրջագայությունը, որին ավելացրել ենք նաև Երևանում կայանալիք համերգը: Փորձում ենք աշխատել, որ Երևանում մի լավ ներկայացում ունենանք»,- ասաց Թանկյանը:
Նշենք, որ երգիչն օրեր առաջ Instagram-ի իր էջում լուսանկար էր հրապարակել և հայտնել, որ պատրաստվում են եվրոպական շրջագայության, և Հայաստանին բարեգործության համար գումար կփոխանցվի:
