Պատրա՞ստ է փակել իր հանքերից՝ հանուն ՀՀ քաղաքացու առողջության: Սեպտեմբերի 9-ին խորհրդարանում լրագրողներն այս հարցն ուղղեցին ԲՀԿ առաջնորդ Գագիկ Ծառուկյանին:
Ծառուկյանը նշեց՝ եթե ժողովրդին դա խանգարում է, չեն կարողանում համաձայնության գալ, բացատրել, ապա հանքը պետք է փակվի:
«Կամ, ասենք, մեր Մղարթի ոսկու հանքը արդեն յոթ տարի չի աշխատում, ուսումնասիրություն է կատարվում, մեզ մոտ ցիանիդ չի օգտագործվում, դա վտանգավոր է: Եղել են դեպքեր՝ և´ կենդանիներ, և´ մարդիկ մահացել են: Մեզ մոտ ջրով լվացման պրոցես է կատարվում, եթե իմանամ՝ դա վնաս է իմ ժողովրդին, բնությանը, կփակվի»,- նշեց Ծառուկյանը:
Նա լրագրողներին հորդորեց՝ հարցեր ուղղելու փոխարեն այցելել՝ տեղում իրավիճակին ծանոթանալու:
«Բարի եղեք, գնացեք Արարատ, ժողովրդին ասեք՝ այսօր վնաս ա ձեզ, ուզո՞ւմ եք՝ չաշխատի: Եթե դեմ կլինեն, չկասկածեք, որ անմիջապես կկանգնի: Կասեն՝ դեմ եմ, կասեմ ձեր ցավն էլ տանեմ»:
