ՀՀ գլխավոր դատախազի նախկին տեղակալ Արմեն Դանիելյանը իր ֆեյսբուքյան էջում գրել է․
Ցավոք, ես տեսնում եմ պաշտոնյաների՝ ովքեր մատը մատին չեն տալիս։ Տեսնում եմ մարդկանց, ովքեր նախկինների հետ ձեն ձենի և ձեռք ձեռքի տված «վարի են» տալիս Նիկոլ Փաշինյանին։ Տեսնում եմ ակնհայտ դանդաղկոտություն և որոշակի կաշկանդվածության կոռուպցիայի դեմ պայքարում… Տեսնում եմ պաշտոնյաների՝ ովքեր ակնհայտորեն փորձում են նմանվել նախկիններին։
Տեսնում եմ մարդկանց, ովքեր ուզում են «ապացուցեն», որ գործում են օրենքից դուրս և ոնց ուզեն և ինչ ուզեն կանեն։ Եվ վերջապես տեսնում եմ մարդկանց՝ ովքեր իրենց վարքագծով ակամայից ջուր են լցնում նախկին «ռոքվոր պանիրների» ջրաղացին…
Հ.Գ. Նիկոլ Փաշինյանին պետք է աջակցել և ոչ թե նրա մեջքի հետևում թաքնվել ու չաշխատել։
Նախկիններից ոչ ոք որևէ պահանջ, ակնկալիք չի ունեցել։ Վերցրել է տաս հազար դրամը և հինգ տարի տառապել։
Նախկինները ձախողվելու խնդիր չեն ունեցել։ Ամեն ինչ ի սկզբանե ձախողված էր. բարձր պաշտոնների նշանակվածները բացառապես կոռուպցիայով զբաղվելու մեծ փորձառություն ունեցող բորենիներ էին և որքան «հարուստ էր» նրանց կաշառքով զբաղվելու պրակտիկան, այնքան ավելի բարձր և եկամտաբեր պաշտոնների էին նրանք նշանակվում։
Փաշինյանի իշխանությունից ակնկալիքն անասանելի մեծ է։ Հասարակությունը նրա մեջ տեսնում է արդարության և իրենց պայքարի երաշխավորին։ Տեսնում է պարզ ու հասարակ անկեղծ մարդու։ Եվ կլինի նա վարչապետ, թե չի լինի, նա միշտ մնալու է, որպես անկոտրուն և պայքարող մարդու տեսակ՝ ով փլուզեց բռնապետությունը, ջախջախեց «անփոխարինելիության» և «հավերժ» իշխանության մնալու կարծրատիպը և անհույս մարդկանց մեջ ներկայի և ապագայի նկատմամբ հույս արթնացրեց։ Ես ուզում եմ տեսնել այդ հույսի դրոշակիներին՝ ովքեր իրենց անմնացորդ գործով կապացուցեն, որ Նիկոլ Փաշինյանը ճիշտ էր… և ճիշտ է…
Ցավոք, ես տեսնում եմ պաշտոնյաների՝ ովքեր մատը մատին չեն տալիս։ Տեսնում եմ մարդկանց, ովքեր նախկինների հետ ձեն ձենի և ձեռք…
Posted by Արմեն Դանիելյան on Friday, August 30, 2019
